«Хомус Кырдала» хомусчуттар күрэхтэрэ

Раздел: Новости

Кулун тутар 29-30 күнннэригэр Уус-Алдан улууhун Бороҕон дэриэбинэтигэр «Өркөн» култуура киинигэр илин эҥэр (Уус-Алдан, Мэҥэ-Хаҥалас, Таатта, Чурапчы, Амма) улуустарын хомусчуттарын күрэхтэрэ буолан ааста. «Хомус Кырдала» бырайыак ааптара Уус-Алдан улууhун II-ис Лөгөй нэhилиэгин култууратын дьиэтин салайааччыта Находкин Альберт Алексеевич. Кыттыыны ыллылар биирдиилээн, бөлөҕүнэн уонна дьиэ кэргэнинэн толорооччулар. Ол курдук 135 хомусчут, ону иhинэн 11 бөлөҕүнэн, 24 биирдиилээн кыттааччы уонна 2 дьиэ кэргэн.

Дьүүллүүр сүбэ састааба: бэрэссэдээтэл – Жирков Николай Евсеевич Артика культура уонна искусство институтун уhуйааччыта, Будищев Рево Петрович – Хомус музейын директорын солбуйааччыта, Иванова Мария Марковна – Хомус музейын тэрийэр отделын салайааччыта, Лыткина Вероника Васильевна – музыка колледжин уhуйаччыта, Бурцев Герман Гаврильевич – хомус ууһа, Уус-Алдан улууhун Сыырдаах нэhилиэгин олохтооҕо.

Күрэх түмүгүнэн Гран-При, лауреаттар, дипломаннар уонна анал ааттарынан, сыаналаах бириистэринэн наҕараадаланнылар. Гран-При үрдүк аатын кыайыылааҕа Михаил Ховров – Хомустаах нэhилиэгин олохтооҕо ноутбук ылан барда, бирииhи олохтоото II-ис Лөгөй нэhилиэгин дьаhалтата.

Биирдиилээн кыттааччыларга (улахан дьоҥҥо): I-кы истиэпэннээх Лауреат – Дарья Колодезникова (Сыырдаах нэһилиэгэ) электро оhох хаhаайына буолла, бирииhи туруорда бырайыак ааптарын дьоно-сэргэтэ, төрөппүттэрэ, II-ис истиэпэннээх Лауреат – Егор Ширяев (Сыырдаах нэhилиэгэ) хомус бэрилиннэ, бирииhи туруорда Хомус музейа, III-с истиэпэннээх Лауреат – Василий Федоров (Өнөр нэhилиэгэ) үрүҥ көмүс оҥоhук туттарылынна, бирииhи туруорда Уус-Алдан култууратын дьаhалтата, маны таhынан дипломаннар – Айтал Мырсанов, Галина Гуляева, Лилия Баишева сыаналаах бирииhинэн наҕараадаланнылар. Онтон оҕолорго: I-кы истиэпэннээх Лауреат – Алена Заболоцкая (Мүрү нэhилиэгэ) сотовай телефон хаһаайынан буолла, бирииhи туруорда Находкин Альберт Алексеевич, II-ис истиэпэннээх Лауреат – Ира Охлопкова (Суотту нэhилиэгэ), III-с истиэпэннээх Лауреат – Виринея Горохова (Өспөх нэhилиэгэ) үрүҥ көмүс киэргэллэринэн наҕараадаланнылар, бириистэри туруорда Уус-Алдан култуураҕа дьаhалтата уонна дипломаннар Айыына Троева, Семен Бурцев, Гаврил Старостин сыаналаах бириистэринэн наҕараадаланнылар. Бөлөҕүнэн толорууга I-кы истиэпэннээх Лауреат аатын кыайыылааҕа Майа орто оскуолатын хомусчуттара «Чаҕаар» бөлөх, музыкальнай сыантыр бэрилиннэ, бирииhи олохтоото «Уют» маҕаhыын (салайааччы Слепцов М.М.), II-ис истиэпэннээх Лауреат – Курбуhах орто оскуолатын хомусчуттара «Сардаҥа» бөлөх, III-с истиэпэннээх Лауреат – Мүрү орто оскуолатын хомусчуттара «Дьүрүскэн» бөлөх. Дьиэ кэргэнинэн кыттааччыларга I-кы истиэпэннээх Лауреат буоллулар Слепцовтар дьиэ кэргэттэрэ (Мэҥэ-Хаҥалас улууhа), Уус-Алдан улууhун улэлиир эдэр ыччатын ассоциацияларын салайааччыта Петр Степанович Сивцев олохтообут бирииhинэн ЖК-телевизор хаhаайыттара буоллулар. II-ис истиэпэннээх Лауреат – Соловьевтар дьиэ кэргэттэрэ (Дүпсүн нэhилиэгэ) пароварка ыллылар, бирииhи олохтоото «Дисплей» маҕаhыын. Уонна маны таhынан анал ааттар ааттаннылар. Аан дойду виртуоз хомусчута Дегтярева Альбина Михайловна бэйэтин анал бирииһин Дүпсүн орто оскуолатын хомусчуттарын «Кэскил» бөлөххө туттарда.

Гала концертка кыттыыны ыллылар: Аан дойду виртуоз хомусчуттара Альбина Дегтярева, Юлиана Кривошапкина – Дьүрүйээнэ, Дьокуускайдааҕы музыка колледжин уhуйааччыта Вероника Лыткина, Хомус түмэлин дириэктэрин солбуйааччыта Рево Будищев, күрэх кыайыылаахтара уонна да атыттар.

Күрэх икки күн буолан ааста, бастакы күнүгэр биирдиилээн уонна бөлөҕүнэн кыттар хомусчуттар кытыннылар, иккис күнүгэр дьиэ кэргэн хомусчуттара уонна бу күн Альбина Дегтярева «Айархаан» түмсүү салайааччыта, «Душа России» анал аат кыайыылааҕа, Аан дойду виртуоз-хомусчута хомуска тардыы араас ньымаларын, сөпкө тыыныы, тыыныы араастарын көрдөрдө.

Кэлиҥҥи бириэмэҕэ Уус-Алдан хомусчуттара хомуска утумнаахтык дьарыгыран эрэллэрэ уонна Альберт Алексеевич курдук эдэр энтузиаст-хомусчут салайааччылаахтара биһигини үөрдэр, инникигэ эрэли үөскэтэр. Онон биир идэлээхтэрбит хомус тула күргүөмнээхтик түмсэн оонньуур кыахпыт таһымын өссө үрдэтиэҕиҥ диэн баҕа санаабын этэбин.

М.М.Иванова – Хомус музейын уонна Киинин тэрийэр сэбиэдиссэйэ

dsc05208

dsc05279

dsc05280

dsc05312

dsc05317

dsc05334

dsc05393

dsc05397

dsc05432

dsc05470

dsc05481

dsc05494

dsc05558

dsc05567

dsc05587

dsc05591

dsc05618

dsc05624


 
Если Вам интересна эта запись, Вы можете следить за ее обсуждением, подписавшись на RSS 2.0 . Комментарии и пинг закрыты.