«Фейерверк талантов» II норуоттар икки ардыларынааҕы куоҥкурус

Раздел: Новости

алгыстааар

“Алгыс” хомус бөлөҕө тыйыс айылҕалаах Сахабыт сириттэн, төлкөлөөх төрүт буорбутуттан тирэх ылан, алгыстаах аартыгы арыйан тохсунньу 4 күнүгэр киэҥ Арассыыйабыт биир биллэр куоратыгар Санкт-Петербурга, герой Ленинградка иккис төгүлүн ыытыллар норуоттар икки ардыларынааҕы таһымнаах эдэр талааннар куоҥкурустарыгар кытта барбыппыт. Сарсыарда 9 чааска көтөр аалбыт халлааҥҥа уһуутаан тахсан, күнү көрдөрөн, хайдах эрэ сып-сылаас күн уота санаабытын сылытан ыраах айаммытыгар туруммуппут. Санкт-Петербурга А.И. Герцен аатынан судаарыстыбаннай университет уопсайыгар түспүппүт. Иккис күммүтүгэр Василиеостровскай камернай саалатыгар регистрацияны ааһан бэлэмнэмиппит. Бу күрэххэ араас куораттартан кэлэн номнуо сарсыарда эрдэттэн күрэх саҕаламмыт этэ. Тохсунньу 7,8 күнүгэр күрэхтэһиибит саҕаланан долгуйарбыт өссө күүһүрбүтэ. Аны микрофоннар үөһэ ыйанан турар буоланнар хомуспут тыаһа иһиллиэ суоҕа диэн долгуйуубут өссө улааппыта. Ити курдук сыанаҕа тахсан хомуспутун, ырыабытын-тойукпутун иһитиннэрэн түмүкпүтүн кэтэспиппит. Тохсунньу 8 күнүгэр киэһээ 7 чааска барыбытын мунньан түмүк таһаарыытыгар ыҥырдылар. Манна араас хайысхаҕа кыттар оҕолор бааллара, бары олус долгуйан туран түмүгү истибиппит. Барыларын кэнсиэр кэмигэр таҕыстахтарын ахсын наҕараадаларын туттаран истилэр. Биһигини саамай бүтэһик биллэрэн, 1 истиэпэннээх лауреат буоллугут диэн эппиттэригэр үөрүү бөҕөтө буоллубут. Оҕолорум Айталина Иванова, Ньургун Пахомов, Коля Иванов биирдиилээн кыттан эмиэ кыайыы өрөгөйүн билэн улахан ситиһиилэннибит. Ньургун Пахомов хомус тардан 1 истиэпэннээх лауреат буолла, Айталина Иванова ырыаҕа 2 миэстэ, фольклорга 1 миэстэ буолан үөрүүбүт өссө үрдээтэ. Тохсунньу 13 күнүгэр саха сириттэн бэтэрээннэр тиийэн кинилэри кытта көрсүһүү биэчэригэр сырыттыбыт, саха сирин постпредствота көрдөһөн, ыҥыран ылан хомустаттылар уонна кэпсэттилэр. Тохсунньу 14 күнүгэр Айталина Иванова төрөөбүт күнүн Санкт-Петербурга баар оҕолору кытта бэлиэтээтибит. Тохсунньу 15 күнүгэр М.К.Аммосов аатынан ХИФУ бастыҥ устудьуоннара ороһооспотооҕу сынньалаҥнарыгар кэлэ сырыттахтарына киэһээ өттүгэр кэнсиэр туруордубут. Бу күн күнүс 2 чаастан “Герой Ленинград” диэн ааттаах сэрии бэтэрээннэрин кытта көрсүһүүгэ сылдьыбыппыт. Тохсунньу 16 күнүгэр хомунан, төттөрү дойдубутугар тохсунньу 17 күнүгэр көтөн кэллибит.

NfAjJAPxRtc

Чахчы, бу сахалар диэн ураты дорҕоонноох хомус диэн музыкальнай инструменнаах, баай култууралаах, ырыалаах-тойуктаах, чаҕылхай талааннаах омук баар эбит диэн көрдүлэр-иһиттилэр.

 Салайааччы А.А. Егоров.

 
Если Вам интересна эта запись, Вы можете следить за ее обсуждением, подписавшись на RSS 2.0 . Комментарии и пинг закрыты.