Ытыктабыллаах Айсен Сергеевич!

Эйиигин күн сирин көрбүт кэрэ-бэлиэ күҥҥүнэн Хомус музейын уонна Аан дойдутааҕы киинин коллективын аатыттан истиҥник эҕэрдэлиибит! Эн бар дьонуҥ, төрөөбүт дойдуҥ туһугар дьүккүөрдээх уонна айымньылаах, үтүө түмүктэрдээх үлэҕин үрдүктүк сыаналаан туран хомус эйгэтэ кэҥииригэр, саха төрүт култуурата салҕыы чэчирии сайдарыгар бэйэҥ кылааккын, үтүө сүбэҕин холбоон өйүүргүн махтанан туран бэлиэтиибит!

Төрөөбүт дойдубут килбэйэр киинэ – Туймаада эбэбит чэлгийэ сайдарыгар, Дьокуускай куораппыт киэркэйэ, аан дойду таһымыгар биллэ турарыгар, норуотум, бар дьонум туһа диэн үтүө тосхоллоох, сыралаах уонна ситиһиилээх үлэҕинэн, саҥалыы көрүүгүнэн бар дьоҥҥор үтүө холобур буола тур!

Аан ийэ дойдуга ананан кэлбит бэлиэ күҥҥэр аймах-билэ, чугас дьонуҥ, доҕотторуҥ, бар дьонуҥ үтүө санаалара, алгыстара тиийдин диэн туран Эйиэхэ чэгиэн доруобуйаны, дьиэ кэргэҥҥэр или-эйэни, өйдөһүүнү-өйөһүүнү, киэҥ далааһыннаах уонна эппиэтинэстээх үлэҕэр үрдүк ситиһиилэри баҕарабыт! Эдэрдии эрчимҥин ыһыктыбакка өссө да инниҥ диэки кимиилээхтик баран ис!

МХНМ директора — Шишигин Н.С.

МиЦХНМ президена — Алексеев И.Е. — Хомус Уйбаан