Бастакы идэтийбит хомусчут,
Арассыыйа үтүөлээх артыыһа, аан дойду виртуоз – хомусчута,
Бүөтүр Оҕотоойоп төрөөбүтэ 55 сылын көрсө
ХОМУС ЫЬЫАҔАР
«Мин көтөр кынатым — ХОМУС»
өрөспүүбүлүкэтээҕи биирдиилээн толорууга күрэс тосхоло
Күрэх ыытыллар бириэмэтэ: бэс ыйын 12 күнэ, 2016 сыл, күнүс 14 чаастан
Күрэх ыытыллар сирэ: Уус-Алдан улууһа, Кэптэни бөһүөлэгэ, ыһыахтыыр түһүлгэ.
Күрэc тэрийээччилэрэ:
«Уус-Алдан улууһа (оройуона)» МО дьаһалтата;
«Лөгөй нэһилиэгэ» МТ дьаһалтата;
Хомус Аан дойдутааҕы Киинэ уонна Түмэлэ;
Күрэc сыала – соруга:
- Хомуһунан дьүһүйэн айыллыбыт айымньылары киэҥ эйгэҕэ таһаарыы;
- П.Оготоев хомуска тардыбыт ньымаларын киэҥ эйгэҕэ таһаарыы, тарҕатыы;
- Хомус салгыы сайдарыгар саҥа хайысханы тобулуу;
- Хомус эйгэтин кэҥэтии;
- Саҥа ааттары арыйыы.;
Кыттааччылар:
- Күрэххэ 30 – тан үөһээ саастаах хомусчут эр дьон кытталлар.
Сайаапка киириитин бэрээдэгэ:
Сайаапкалары бэс ыйын 10 күнүгэр дылы биэрэҕит:
- Бүөтүр Оҕотоойоп аатынан сынньалаҥ киин: Попова Марианна Фред — 8(914) 301-21-05, Сыроватская Вера Егоровна – 8(914) 226-36-47
- Улуустааҕы культура управлениета – тел/факс: 8 (41161) 41-095,
Федорова Анна Егоровна – 8 (914) 266-47-73, Обутова Саина Михайловна – 8 (924)866-79-38
- 677027 Республика Саха (Якутия), г. Якутск, ул. Кирова 31, Музей и Центр хомуса народов мира, телефон: 8(4112) 36-17-92, факс 8(4112) 42-86-75.
Күрэс ыытыллар бэрээдэгэ:
- Дьүүллүүр сүбэҕэ виртуоз хомусчуттар, музыкааннар, улуустааҕы култура управлениетыттан ыҥырыллаллар.
- Дьүүллүүр сүбэ 5-тии баалынан кыттааччылары сыаналыыр.
- Кыттааччылар биир айымньыны толороллоро 3-4 мүнүүтэттэн тахсыа суохтаах.
- Фонограмма, атын музыкальнай инструмен доҕуһуолун туттуу бобуллар.
- Дьүүллүүр сүбэ быһаарыыта уопсай дьүүлгэ тахсыбат.
- Кыттааччылар кэлэр-барар бырайыастарын уонна аһыыр аһылыктарын бэйэлэрэ төлүүллэр.
Наҕараадалааһын:
Көрүү түмүгүнэн Гран-при, I, II, III степеннээх лауреаттар, дипломаннар олохтоноллор.