Быйыл Дьокуускай куораттааҕы национальнай гимназияҕа Хомус күнэ үөрүүлээх линейкаттан саҕаланна. Оскуола үөрэнээччилэрэ, учууталлар сахалыы таҥнан, хомус аҕалан холлга, этээстэринэн  сэлэлии туран бэлэмнэммиттэр. Линейканы оскуола директора, Россия оскуолаларын  бастыҥ дириэктэрдэриттэн биирдэстэрэ Чиряев Н.К. аста.  Үөрүүлээх линейкаҕа Дегтярева А.М. – Айархаана, ааттаах-суоллаах уустар: Осипов П.Ф., Мальцев М.Н., Готовцев Р.И., Уваров В.А., Тарабукин Э.Э., Комиссаров Ф.А., Тартаков Е.Е. Катакинов … Петров К.В., …., Хомус түмэлин үлэһитэ Слепцова Е.П. кыттыыны ыллылар. Гимназия 11 кылааһын үөрэнээччитэ Алина Николаева хомуска доҕуһуоллаабытын,  бүтүн оскуола кэллэктиибэ үтүктэн, бары биир киһи курдук,  хомуска оонньоотулар. Айархаана хомуска ураты ньыманан оонньообутун үөрэнээччилэр тыыммакка даҕаны туран иһиттилэр. Үөрүүлээх линейка иккис түһүмэҕинэн Алина Николаева хомуһун кэллиэксийэтин быыстапкатын аһаллыыта буолла. Алина саха уустарын хомуһун мунньар идэлээх эбит. Кэллиэксийэҕэ 33 саха уустарын хомустара, 10 араас омук дойдутун хомустарын мунньан саҕалаабыт. Итиэннэ хомус араас тэрээһиннэригэр кыттан испитин туһунан хаартысканан быыстапката эмиэ ыйаммыт. Кэскиллээх чинчийээччини эҕэрдэлээн, Хомус түмэлин аатыттан Слепцова Е.П. уустар ааттарыттан Осипов П.Ф., Мальцев М.Н. тыл эттилэр, ситиһиини баҕардылар. Алина махталын бэлиэтинэн бэйэтин бастакы чинчийиилэрин — Республика хаһыаттарыгар бэчээттэтэн таһаартарбыт ыстатыйаларын түмэн таһаартарбыт брошюратын Хомус музейыгар бэлэхтээтэ.