Хомус Аан дойдутааҕы түмэлин уонна киинин дириэктэрэ, СР култууратын үтүөлээх үлэһитэ, СР үөрэҕириитин  туйгуна, «Гражданскай килбиэн», «СР учууталларын династиялара» бэлиэлэр хаһаайыннара, Хаҥалас улууһун Төхтүр нэһилиэгин бочуоттаах олохтооҕо Шишигин Николай Спиридонович уһун ыарыыттан бэс ыйын 26 күнүгэр күн сириттэн суох буолбутун туһунан биллэрэбит.

Николай Спиридонович Хомус түмэлин дириэктэринэн 2008 сыллаахтан ананан 10 сыл устата таһымнаахтык үлэлээбитэ. 2011 с. Чемчоев Р. Г. охсубут хомуһун  кини көҕүлээһининэн космонавт Олег Кононенко халлаан куйаарыттан дьүрүһүппүтэ. Николай Спиридонович тус кыттыытынан уонна салалтатынан VII Аан дойдутааҕы Кэнгириэскэ Хомус тардыытыгар Гиннесс рекорда олохтоммута.

Кини саха хомуһа искусство быһыытынан сайдыытыгар, Аан дойду таһымыгар тахсыытыгар улахан кылааты киллэрбитэ.

Николай Спиридоновиһы кытта бырастыылаһыы бэс ыйын 29 күнүгэр 11 чаастан П.А. Ойуунускай аатынан Саха академическай театрыгар буолуоҕа.

Хомус Аан дойдутааҕы түмэлэ уонна киинэ