Хомус Аан дойдутааҕы түмэлэ уонна Киинэ Ньурба куоратыгар К.Д.Уткин аатынан Норуоттар доҕордоһууларын түмэлигэр саха саарына К.Д.Уткин 85 сааһыгар аналлаах”Хомус -ытыс ымыыта” быыстапкатын кулун тутар 5 күнүгэр үөрүүлээх быһыыга-майгыга арыйыы буолла.

Түмэл директора А.А.Туманова, улуус баһылыгын социальнай салааҕа солбуйааччы А.М.Уларова, культура салаатын начальнига Р.М.Тихонова эҕэрдэ тылы эттилэр. К.Д.Уткин иилээн-саҕалаан тэрийбит үс түмэллэриттэн биирдэстэрэ Хомус Аан дойдутааҕы түмэлэ саха, араас омук хомустарын, Ксенофонт Дмитриевич араас сылларга үөлээннээхтэрин кытта түспүт хаартыскаларын, түмэл экспозициятын былаанын, структуратын уо.д.а.үлэлэрин сырдатар экскурсияны ыытта. Быыстапканы арыйыы хомуска флешмобунан түмүктэннэ. Импровизатор хомусчут, Хомус түмэлин экспозиционнай выставочнай салаатын сэбиэдиссэйэ Туйаара Жиркова маастар-кылааһа сэргэхтик ааста. Быыстапка кулун тутар 15 күнүгэр диэри туруоҕа.

 
Если Вам интересна эта запись, Вы можете следить за ее обсуждением, подписавшись на RSS 2.0 . Комментарии и пинг закрыты.