Сэтинньи 17-21 күннэригэр Кириллин Трофим Семенович аатынан Кутана сельскай модельнай библиотеката А.А.Иванов-Күндэ аатынан Кутана орто оскуолатын 1-11 кылаас үөрэнээччилэригэр, Сунтаар улууһугар олоҥхо уонна хомус күннэригэр аналлаах месячник чэрчитинэн библиотечнай уруоктары ыытта.

Раздел: Новости

Ол курдук,сэтинньи 18 күнүгэр библиотечнай уруокка ZOOM нөҥүө биһиги “Аан дойдутааҕы хомус түмэлин” көрдүбүт, сөхтүбүт, интэриэһиргээтибит. Биһиэхэ Хомус аан дойдутааҕы музейын уонна киинин экскурсовода, поэт, Саха сирин, Россия суруйааччыларын Сойууһун чилиэнэ, Елизавета Мигалкина бэрт интэриэһиргэтэрдии кэпсээтэ, хомус түмэлин кэрийэ сылдьан көрдөрдө. Ол курдук мин наһаа элбэҕи билбэтэхпин биллим. Араас омуктар хомустарын көрдүбүт. Хомуһу тимиртэн эрэ оҥороллоро буолуо диэбитим, уҥуохтан, мастан уонна бамбуктан оҥороллор эбит. Аан дойду үрдүнэн саамай улахан уонна саамай кыра хомуһу көрдүбүт.
Хомус түмэлигэр 47 араас дойдуттан 1000 тахса араас хомус баар.
Сунтаартан төрүттээх хомус уустарын стендэтин көрдүбүт. Космоска тиийэ көтөн оонньообут саха хомуһа баар эбит.
Мин куоракка бардахпына хайаан да Хомус түмэлигэр сылдьан саамай улахан хомус таһыгар хаартыскаҕа түһүөм.
Кириллин Т.С. аатынан Кутана сельскай модельнай библиотекатыгар,Елизавета Ивановна5а интэриэһинэй,сэргэх көрсүһүүнү бэлэхтээбиккитигэр махтанабын.

Фокинова Василиса Кутана орто оскуолатын 6 кылааһын үөрэнээччитэ

 
Если Вам интересна эта запись, Вы можете следить за ее обсуждением, подписавшись на RSS 2.0 . Комментарии и пинг закрыты.