Саха киһитэ сүрэҕин ортотунан киирэр, сүрдээх Уу-нуурал, истиҥ-иһирэх тэрээһин буолан ааста.
Бастатан туран, концерт саҕаланыаҕыттан бүтүөр диэри хас биирдии нүөмэрэ,түһүмэхтэрэ,туруоруута саас- сааһынан дириҥник толкуйданан,туох да ордук-хоһу, тиэрэ-маары дайбааһына суох, анаммыт сыалын ситиһэрдии таҥыллыбыта киһини сөхтөрөр.Концерт сүрүн тутула барыта Спиридон Спиридонович көстөр дьүһүнүгэр, тутта-хапта сылдьыытыгар дьүөрэлии таҥыллыбыт.
Иккиһинэн, Бу киэһэ юбиляр дэгиттэр талаана арылхайдык сырдатылынна.Ол курдук Спиридон Спиридонович аан дойду виртуоз хомусчута, хомоҕой тыллаах хоһоонньут, айылҕа кэрэ көстүүлэрин таба көрөн хаартысканан үйэтитэр талаанын, төлөннөөх патриот,тапталлаах убаай, быраат,дьоһун ыал суон дурдата, халыҥ хаххата, планетарнай таһымнаах эрээри аһары сэмэй, саха дьоно киэн туттар киһитэ буоларын.
Үсүһүнэн, юбиляр тапталлаах быраата, биир эмиэ Саха Саарына , киһи киэнэ кэрэмэһэ Николай Спиридонович Бу киэһэ аттыбытыгар баар курдук түгэннэрэ үөскээбитэ, кини сырдык салгына охсуллан ааспыта мустан олорооччулары дууһаларын долгуппута- Бу түгэн эмиэ тэрээһин үрдүк таһымнаахтык ааспытын итэҕэтиилээхтик кэрэһэлиир.
Саха хомуһа аан дойдуга биллиитигэр сүдү кылаатын киллэрбит бастыҥ уолбутугар барҕа махтал!!! Уруй-туску!!!
Мария Романовна Никонова(Захарова).Высшая школа музыки.Воспитатель.