Сахабыт сиригэр саха хомуһун эйгэтэ тэнийиитигэр, сахаҕа хомуһу
сэргиир, хомус абылаҥар ылларбыт ыччат дьон күргүөмнээн уһуйуллан
тахсалларыгар, кинилэр дьоҕурдарынан-санааларынан төрөөбүт
норуоттарын, атынтан атын омук дьонун сөхтөрөр, сөбүлэтэр
кыахтаныыларыгар, түмүгэр саха хомуһа бүтүн аан дойду дьонугарсэргэтигэр биллэр-биһирэнэр буолуутугар, саха хомуһун тыаһа улуу куйаар
тыаһыгар холонуутугар – төрүт уурсубут, төлкөтүн түстэспит , уһуйбутугуйбут, салайбыт-сирдээбит — Эн.
Эн саха хомуһун төрүт тыаһын тутуһан кэллиҥ. Эн саха хомуһа Аан дойду
варганын ортотугар хайа таһымҥа баарын көрдөрдүҥ, ол таһым үрдүгүн
көрдөрөн өбүгэлэрбит үтүө аатыгар сүгүрүйүүнү үөскэттиҥ , бар
дьоҥҥор бэйэтин историятынан, мындырынан, культуратынан киэн
туттууну, күүстээх санааны олохтоотуҥ.
Ытыктабыллаах Иван Егорович! Эн тус бэйэҥ ураты дьоҕургунан хас
эмэ уонунан сылларга санааҕын уларыппакка, илиигин араарбакка үлэлээбит
үлэҥ, уурбут кыһамньыҥ, сыраҥ-сылбаҥ даҕаны тиллэр, кэҥиир, биһирэнэр
кэмигэр тиийдиҥ. Тохтоомо, саллыма, инниҥ хоту дьулуһан ис, Эйиигин
батыһар ыччат дьонуҥ кэккэтэ хаҥаан истин!
Бэлиэ сааскынан, бэлиэ түгэҥҥинэн!
Саха Өрөспүүбүлүкэтин бэһис ыҥырыылаах Ил Түмэнин Бэрэссэдээтэлэ,
Алтыс ыҥырыылаах Ил Түмэнин Бэрэссэдээтэлин Бастакы солбуйааччы
Александр Николаевич Жирков
Сэтинньи 30 күнэ, 2021 сыл