Стипендияны аныыр күрэһи олохтууллар: «Таатта улууһа» Муниципальнай оройуон дьаһалтата, Улуустаа5ы норуот айымньытын дьиэтэ.
Тэрийээччилэр:«Тыараһа нэһилиэгэ» муниципальнай тэриллии дьаһалтата, Аан дойдутааҕы хомус киинэ уонна музейа, Л.Н.Турнин аатынан Алгыс Норуот айымньытын дьиэтэ.
Күрэскэ дьүүллүүр сүбэҕэ үлэлээтилэр: Аан дойдутаа5ы хомус киинин уонна түмэлин специалиһа, импровизатор хомусчут- Туяра Анатольевна Жиркова, Саха өрөспүүбүлүкэтин культуратын үтүөлээх үлэһитэ, импровизатор хомусчут, Лука Турнин хомуска тардар ньыматын үөрэтээччи, тарҕатааччы- Лидия Михайловна Борисова, М.Н.Жирков аатынан музыкальнай колледж преподавателэ, 2018 сыллаа5ы Л.Н.Турнин стипендиатын кыайыылаа5а Надежда Николаевна Варламова.
Быйылгы 2021 сылга улуу хомусчут Лука Турнин аатынан стипендиятын ылар иһин хомуһу ытыс ымыыта оностубут республика араас муннугуттан, үөрэх кыһаларыттан 13 хомусчут кыттыыны ылла. Күрэх 2 түһүмэҕинэн ыытылынна. 1 түһүмэх: биир көҥүл ис хоһоонноох айымньыны Лука Турнин хомуска тардар ньыматынан толоруу,
2 түһүмэх: Лука Турнин олоҕуттан, айар үлэтиттэн блиц-опрос.
Күрэс түмүгүнэн кыайыылаах аатын ылла Мэҥэ Хаҥаластан Майа сэлиэнньэтиттэн Игорь Игнатьев.
Кыайыылаахха «Таатта улууһа» Муниципальнай оройуон дьаһалтата олохтообут 10 тыһыынча харчынан наҕараадаланна.
Күрэххэ кыттыбыт ыччат дьоммутугар барҕа махтал.
Саха хомуһун аар саарга аатырдыбыт Лука Турнин хомуһа үйэлэргэ дьүрүьүйэ турдун,ыллам ырыата ыллана турдун, аата ааттана турдун!