«Дьүрүһүй хомуһум» Өрөспүүбүлүкэтээҕи хомус тардыытыгар оскуола саастаах оҕолорго туһуланар күрэх быйыл 7-с төгүлүн ыытыллыаҕа. Күрэҕи 2008-2018 сс Хомус Аан дойдутааҕы түмэлин уонна киинин салайбыт Николай Спиридонович Шишигин төрүттээбитэ. Ол кэмтэн ыла норуоппут баай култууратын, нэһилиэстибэтин кытта билсэ хас эмэ тыһыынчанан ааҕыллар оҕо бу күрэххэ кэлэн кыттан аастылар.

Күн бүгүн Өрөспүүбүлүкэбитигэр оскуола саастаах оҕолор хомус тардыытыгар төрүт ньымалары, истииллэри дэгиттэр баһылыыр үөрүйэхтэрин, сатабылларын сыаналыыр биир уһун үйэлээх уонна халбаҥнаабат бигэ сыаллаах-соруктаах үгэс буолбут түһүлгэ буолар.

Хомус Аан дойдутааҕы түмэлин уонна киинин үлэһиттэрэ көҕүлээн «Дьүрүһүй хомуһум» күрэх төрүттээччитин аатын үйэтитэр инниттэн уонна төрөөбүтэ 65 сылын тоҕоостооҕунан бэлиэтээн, мантан антах күрэх Николай Спиридонович Шишигин аатын быйылгыттан сыһыарыы быһыытынан сүгүөҕэ

Быйылгы бэлиэ сылтан саҕалаан күрэҕи өйүүр, суолталыыр уонна айар талааннаах ыччаттарбытыгар болҕомтону күүһүрдэр инниттэн уустар ортолоругар акция биллэриллэр. Акция «Дьүрүһүй хомуһум» Өрөспүүбүлүкэтээҕи хомус тардыытыгар оскуола саастаах оҕо күрэҕин призовой фондатын хаҥатыыга туһуланар. Киирбит хомустар чопчу күрэх кыайыылаахтарыгар (лауреаттарга) эрэ бириис быһыытынан бэриллиэхтэрэ. Бу үтүө бачыымы өйөөн кыттыыны ылбыт уустарга туоһу суруктары Хомус Аан дойдутааҕы түмэлэ уонна киинэ туттарыаҕа. Акция олунньу ый 7 күнүттэн муус устар 15 күнүгэр диэри болдьохтонор.

Кыттыы көҥүл!!!

Тэрийээччи: Хомус Аан дойдутааҕы түмэлэ уонна киинэ

Аадырыспыт: Дьокуускай куорат, Кииров аатынан уулусса 31 дьиэтэ, 3 этээс.

Билсэр нүөмэргит: +74112428675, 89142887284