Бэлиэтээн этэр буоллахха, эколог-уопсастыбанньык, Саха сирин Дьахталларын сойууһун чилиэнэ, Арктика оскуолатын педагога Анастасия Дарбасова үс остуоруйаттан турар дьоһуннаах кинигэтин “Айар” национальнай кыһа күн сиригэр көрдөрдө.

Кинигэ сүрэхтэнэр дьоро тэрээһинин хомус дьүрүскэн тыаһынан арыйда Дьокуускай куорат 15 нүөмэрдээх орто оскуолатын 5 «г» кылаас үөрэнээччитэ — Евгения Егорова, “Күнчээн” уһуйаан “Сулусчаан” бөлөҕүн уонна “Академия детства” уһуйаан “Туйгун” бөлөҕүн кырачааннара киэргэттилэр. Бу күн ааптарга эҕэрдэ тылларын эттилэр: Хомус түмэлин дириэктэрэ Д.Бястинов, “Айар” кыһа дириэктэрэ Август Васильев, СӨ Уопсастыбаннай палаататын аппараатын салайааччыта, “Саха сирин дьахталларын уопсастыбаннай тэрилтэлэрин сойууһа” хамсааһын бэрэссэдээтэлэ Анжелика Андреева уо.д.а. Тэрээһини иилээн саҕалаан ыыттылар Аан Дойдутааҕы хомус түмэлин үлэһиттэрэ: Т.А. Жиркова, А.Г. Платонова.

Тэрээһин дьоро түгэнигэр СӨ  Экологияҕа, ойууру туһаныыга уонна ойуур хаһаайыстыбатыгар миниистирин I солбуйааччыта Дьулустаан Хон Анастасия Дарбасоваҕа экологияны сырдатыыга өр сыллаах бэриниилээх үлэтин иһин “Айылҕа харыстабылын туйгуна” бэлиэни туттарда.

“Саһарҕа хоптотун мүччүргэннээх сырыылара” сахалыы эко-фэнтези кинигэ арыллыыта үрдүк таһымнаахтык ааста!