Тэрээһин алгыһынан саҕаланна. Салгыы былааннаммыт торумунан ыытылынна. Хомус Аан дойдутааҕы түмэлиттэн директор Д.Д. Бястинов аҕалбыт быыстапката, Амма нэһилиэгиттэн А.Н.Канаева өр сыл муспут хомус коллекциятын быыстапкаҕа туруорда. Оҕолор быыстапканы наһаа сэҥээрдилэр.

Мантан салгыы «Нэһилиэккэ хомус сайдыыта» диэн төгүрүк остуол тула олорон, санаа атастаһыыта, кэпсэтии тэрилиннэ. Хомуска оонньуурга үөрэҕи Аан дойдутааҕы виртуоз хомусчута, Саха Өрөспүүбүлүкэтин үтүөлээх артыыһа, «Душа России» государственнай бириэмийэ хаһаайына Альбина Михайловна Дегтярева-Айархаана Хомус Хотун ыытта. Маастар кылааска элбэх оҕо сылдьан араас ньыманан оонньуурга үөрэннилэр. Киэһээ 5 чаастан кэнсиэр буолара күүтүллэр. Көрөөччүлэр бука бары хомустаах кэлэн күргүөмүнэн хомуска оонньуохтаахтар.

Дмитрий Бястинов быйыл аан дойдутааҕы хомус конгреһын вице-президенинэн талыллыбыта. Оҕобутугар бу эппиэттээх үлэтигэр ситиһиини баҕарабыт!Сиhилии [#alias|таатта.рф/harbalaahh...|https://таатта.рф/harbalaahha-homus-kүne/]