Аан дойдутааҕы хомус түмэлин хомустарын туһунан Юлия Пестрякова суруйбут «ХОМУС ТЫАҺА ДЬИЭРЭЙДЭ» ыстатыйатын сэргээн ааҕыҥ!

Хомус – сахаларга түүр өбүгэбититтэн кэлбит тыас-уус таһаарар инструмент. Дьоҕус эрээри баай, дириҥ устуоруйалаах. Санааны сааһылыыр, уйулҕаны уоскутар уратытын таһынан, эмтиирин туһунан элбэхтэ истэбит. Саха омукка бу инструмент үрдүк суолталаах. Хомуска сүгүрүйүү бэлиэтинэн Дьокуускайга аан дойдуга соҕотох Хомус түмэлэ баар уонна сахалар сэтинньи ый 30 күнүгэр Хомус күнүн бэлиэтиибит.