Хомус Аан дойдутааҕы түмэлин кэллэктиибэ бу дьыл бэс ыйын 5 күнүгэр Уус Алдан улууһун Бэрт уустарыттан сыдьааннаах удьуор уус Бурцев Герман Гаврильевич — Кэрэмэн Уус ыарахан ыарыыттан күн сириттэн барбытынан, кэргэнигэр Екатерина Николаевнаҕа, уолаттарыгар Юрийга, Гермаҥҥа, Гаврилга, Геннадийга, Григорийга, кыыһыгар Чаараҕа дириҥ кутурҕаммытын тиэрдэбит.

 Герман Гаврильевич охсубут хомустара саха норуотун аатын Аан дойдуга ааттаппыттара. Кини хомуһа этигэнин, сиэдэрэйин оннооҕор омук сиригэр сыаналаабыттара. Дэлэҕэ даҕаны дьон-сэргэ Кэрэмэн уус диэн аат ааттыа дуо…

Герман Гаврильевич охсубут хомустара баарын тухары кини үтүө аата ааттана туруо… Быдан дьылларга бырастыы, Кэрэмэн уус!