Жиркова Агния Спиридоновна «Этигэн хомус» народнай ансамбыл салайааччыта:
Саха театрыгар тэрээһиммит ыытыллара олус суолталаах уонна дьиҥ сахалыы тыыннаах дии саныыбын.Быйыл элбэх кыттааччы баара киһини астыннарар,саҥа сүүрээннэр үөрдэллэр. Хомус түмэлин үлэһиттэригэр, тэрийээччилэргэ, спонсордарга махтанабыт. Бириистэр олус үчүгэйдэр, хомус бөҕө кыайыылаахтарга туттарылынна. Ытыктабыллаах уустарбытыгар махтанабыт! Быраатым Николай Спиридонович хомус уустарыгар ураты болҕомтотун уурара! Бу тэрээһиммит барыбыт күүспүтүнэн салҕана туруохтун ! Түмүкпэр бырааппар анаабыт хоһооммуттан быһа тардан….
Мин олус таптыыр Быраатым барахсан
Эн сырдык мөссүөнүҥ
Өрүү баар-сүрэхпэр!…
Сахабыт хомуһа сайдарын туһугар
Күүстээхтик үлэлээн барбытыҥ…
Ол эрэн,чаҕылхай олоҕуҥ Эйиэнэ,
Ыччакка холобур буолуохтун !