Айталина Заборовская, Верхоянский у.:
«ДьүрүҺүй, хомуҺум!» Н.С.Шишигин аатынан Республиканскай күрэх тэрийээччилэрэ, Хомус түмэлин үлэһиттэрэ, күрэх кыттааччылара уонна уһуйааччылара! Бэҕэһээ олус тэрээҺиннээх, киэҥ далааһыннаах, үрдүк таһымнаах күрэх буолан ааспыта барыбытын улаханнык үөртэ. Сылын аайы Өрөспүүбүлүкэбит ыраах Тымныы Чыпчаалыгар олоробут диэбэккэ, төһө кыалларынан оҕолору аҕалан кытыннара сатыыбын. Быйылгы күрэххэ үөрэнээччим Антонов Леонтий Кылаан Чыпчаал ааты ылары ситиҺэн, сүрдээ5ин долгутта уонна үөрүүбүт муҥура суох. Көтөн кэлэр билеппитин тохсунньу ыйга субсидия5а түбэһиннэрэн ылар идэлээхпит. Арыычча хойутуу күнү ылан кэбиһэммит, бу күрэххэ хайаан да кыттыахтаахпыт диэн билет төннөрөн, иккистээн хат ыларга күһэлиннибит. Биһиги бу ситиһиибит элбэх киһи сыралаах үлэтин түмүгэ буолар.
Оҕолор хомуска традиционнай оонньооһуннарын таһыма үрдээбитэ үердэр. Киһи эрэ истэ олоруох хоһуйуулара бааллар. Күрэххэ биир идэлээхтэрбитин көрсөн, санаа атастаһан, атын оҕолору көрөн-истэн, биһиэхэ бары өттүнэн эргиччи туһалаах күрэх буолла.
Буолар сирэ наһаа табыгастаах: киэҥэ-куоҥа, сырдыга, ырааһа, чугаһа. Быйыл ыйан-кэрдэн биэрэр волонтердар баар буолбуттара наһаа үчүгэй эбит. Күндү биир эйгэлээхтэрбэр ба5арыам этэ чэгиэн доруобуйаны, ситиҺиилээх үлэни, хомуспут тыаҺа Арчылаатын, Араҥаччылаатын.