Н.И.Шарин аатын сүгэр Орто Халыматааҕы орто оскуолаҕа өрөспүүбүлүкэтээҕи «Хомус эйгэтэ» бырайыак үлэлээтэ. Хомус маастарыстыбатыгар үөрэтэр, салайар-биир дойдулаахпыт, Бастакы Мээтис нэһилиэгиттэн төрүттээх, виртуоз-хомусчут Алена Гавриловна Платонова.

Бырайыакка бастакы күн 101 оҕо хабыллан дьарыктанна. Ол курдук тэрээһиҥҥэ Орто Халыма куоратын, улуустааҕы гимназиятын, Сыбаатай, Хатыҥнаах, Алаһыай, Березовка орто оскуолаларын үөрэнээччилэрэ кытыннылар.

Маны сэргэ Кыраайы үөрэтэр улуустааҕы Мусуойга, бырайыак иитинэн, араас норуоттар Хомустарын быыстапката туруорулунна.Бырайыак иитинэн, 20 Хомус Анал байыаннай дьайыы кыттыылаахтарын оҕолоругар бэлэх быһыытынан туттарылынна. Үөрүүлээх быһыыга-майгыга Улуустааҕы үөрэх управлениетын начаалынньыга Иван Гаврильевич Портнягин кытынна.

@khalymadolgunnara
@ulusmedia