Аан дойдутааҕы хомус Түмэлин уонна Киинин үлэһиттэрин аатыттан телевидениеҕа үлэлиир уонна кини сайдыытыгар кылаатын киллэрэр бары дьону бырааһынньыгынан эҕэрдэлиибит! 1963 сыллаахха алтынньы 8 күнүгэр Саха телевидениетын бастакы биэриитэ эфиргэ тахсыбыта. Бу күн студия официальнай арыллыытын күнүнэн ааҕыллар уонна сылын ахсын Саха телевидениетын күнүн быһыытынан бэлиэтэнэр.

Эһиги үлэҕит түмүгэр көрөөччүлэр хас күн ахсын сонуннары көрөллөр уонна Саха сирин олоҕун, дьонун, култууратын уонна үгэстэрин кытта ыкса билсэллэр. Истиҥ эфирдэри, махталлаах көрөөччүлэри уонна саҥа айар ситиһиилэри баҕарабыт! Саха телевидениета салгыы да сайда турдун!