Эйигин кэрэ-бэлиэ күҥҥүнэн, өрөгөйдөөх үбүлүөйгүнэн С.А.Зверев-Кыыл Уолун аатынан Сунтаардааҕы норуот айымньытын киинин кэлэктиибин уонна хомус аан дойдутааҕы түмэлин уонна киинин Сунтаардааҕы салаатын аатыттан итиитик -истиҥник эҕэрдэлиибит! Дьылҕаҥ уһун суолланнын, Тус олоҕуҥ дьолунан киэркэйдин!

Тулалыыр эйгэҥ оһуорданан Күннээҕи кэрдииһиҥ симэннин! Дууһаҥ туоххаһыйбатын, Сүрэҕиҥ хомоҋботун, Санааҥ сарыаллыы сырдаатын, Саһарҕалыы үтүөнү аҕаллын!

Олоххо тардыһыыҥ күүһүнэн туохтан да толлубакка санаабыккын ситиһэҕин, толкуйдаабыккын толороҕун! Бу курдук ыра санааҥ Ыксалаһа турдун, Барыта табыллан баар буоллун! Эн толкуйгунан, эн көмөҕүнэн Сунтаар улууҺугар хомус тэрээҺиннэрэ үрдүк таҺымнаахтык тэриллибиттэрин үтүөнэн, кэрэнэн ахтабыт ! Чэгиэн-чэбдик буол, үйэҥ тухары дьоллоох олохтон, барытыгар үрдүк ситиһиилэн! Биһиги эйигиннэн киэн туттабыт! Маннык истиҥник эҕэрдэлээн туран алгыс тылбытын аныыбыт! Уйгу-быйаҥ улаатан, Уруйданнын олоҕуҥ! Ыра санааҥ ыксаластын, Торумуҥ туругурдун! Үтүөнү оҥорбутуҥ Үс бүгүнэн эргиллэн, Үс кутуҥ бөҕө буоллун: Ийэ кутуҥ илгэлэннин, Салгын кутуҥ алҕаннын, Буор кутуҥ буҕатыйдын! Сүргэҥ көтөҕүлүннүн, Санаабытыҥ сатаннын, Оҥорбутуҥ суолланнын, Толкуйдаабытыҥ туоллун, Үөрүү үксүү өрөгөйдөөтүн, Дьол-соргу тосхойдун!

Сунтаардааҕы норуот айымньытын киинин кэлэктиибэ.